二把手 (已結業)

早兩日預約，時間得返1730/2030打後，所以約左1730當食個早Dinner。當日去到就可以入座，由於時間尚早，入座率唔算高。地方擺設都好日式，但座位略嫌窄左D。今次主要食串燒，分左兩輪叫，大概食左十幾串。串燒真係好食，有能力勾返起我早兩星期去左日本食串燒既味道👍🏻。每一串都係新鮮熱辣黎到，調味恰到好處，唔會太燶太鹹，有d會有黑胡椒吊味，汁燒夠甜但又唔會太膩。係有心機先做到既味道。服務態度都好好，收碟上菜都好快，員工都好好禮貌。可能因為得三枱食緊，所以成件事handle得好好。總括而言，會再次幫襯。