川婆婆 (寶勒巷) (已結業)

之前一直都想食好耐，今次終於都食到啦🤣🤣🤣一入到餐廳就已經覺得餐廳好舒服，好乾淨！非常適合同朋友聚會傾偈！而且呢度嘅店員都非常用心，好細心嘅服務，值得一讚😎同埋都真係要講下佢個地點，呢個地點嘅朋友真係非常之方便，喺正中間點，所以大家收工嘅時候就向住呢個地方出發嘅時候就好方便呀。大家過到嚟坐低之後，好快就決定咗今日要食啲乜嘢啦。麻辣小龍蝦 $188呢個真係唔少得，我覺得做前菜來講都非常之啱，好開胃。而且小龍蝦入邊嘅肉都幾多，唔係細細隻嗰啲小龍蝦。鳳梨豆花烤鱸魚 酸菜檸檬味 $298呢個價錢真係比足一條魚你，魚嘅份量都好大條，配合埋一啲鳳梨同埋酸菜同埋檸檬，所以出到嚟嘅時候一啲都唔會覺得與有腥味，而且仲要好入味，魚嘅骨都唔係好多，所以好放心咁食。