牛奶冰室 (寶石大廈)

营业中

休息中

成日經過都冇食過，見今日有時間就入去食過早餐。宜家入餐廳要掃針卡，佢部電話裝嘅位置令到客人部電話勁反光，勁難掃，浪費左好多時間！餐廳啲位都幾密同幾迫下，不過餐廳樓底幾高，坐落都幾ok，加上一排大窗，視野廣闊，冇咩壓迫感。💕火腿濃湯通粉$35💕牛乳炒滑蛋配蒜香多士💕凍檸茶+$3落單約5分鐘後就有得食，個碗勁大，火腿片超多，一入口個啖湯係忌廉湯，牛奶味唔覺，但湯底可以的。通粉係有啲啱啱淥熟咁，另外啲菜係介蘭？介蘭切片，但配通粉口感很怪很生硬，唔係幾夾。牛乳炒滑蛋好香，有牛油味，滑蛋ok滑。蒜香多士，有烘底，好食。凍檸茶，第一次見杯凍檸茶冇檸檬片，原來呢個係餐廳特色，先將檸檬打碎再沖，一飲落去係好重檸檬味，冇咩茶味，唔係咁講究茶底嘅朋友都可以接受，呢杯仲要好大杯，好冰凍。