廚師帽 (已結業)

同親愛嘅朋友行遠d食好西，廚房帽係我地心目中排名都幾前，皆因佢係大部分檯都係配沙發椅，檯又大，坐落有私隱得黎，又坐得舒舒服服，岩哂girl talk。同同事睇下menu先，跟餐湯同餐飲，大部分餐六十蚊有拎，西餐黎講性價比好高嫁啦！得簡左燒豬仔骨蒜蓉蜜糖汁配日式珍珠米飯（$58)，大大塊豬仔骨，再有少少嘅配菜，唔會太寡。豬仔骨煮得有dd柴，但個醬又加返分，我仲叫佢另上d醬俾我添！同事就焗茄汁牛肉配日式珍珠米飯（$58），同事見到珍珠米即刻心心眼，焗就唔係焗得好足時間，但勝在個肉都仲係嫩嘅，味道都唔錯食。