圓山台灣料理 (已結業)

聖誕無得去旅行，唯有同阿媽去多點飲飲食食。懷念台灣種種，見到呢間圓山台灣料理，忍唔住衝入去。 入到去好似中式酒樓咁，好大。 有個好抵既自選套餐，不過好可惜我媽最想試既野呢度無，只好散叫。 自選拼盤，蛋黃小卷同鹽水鴨， 蛋黃小卷外層係魷魚圈，好彈牙，蛋黃咸香足，好岩送飯。 鹽水鴨好有台灣味道，夠晒咸，肉又唔會過鞋。 我最愛既肉躁飯，平時去台灣一個人食到幾碗。今晚呢一碗食到想喊，滿滿台灣味，肥瘦肉適中，係正宗台灣肉躁，香港好難食到。 台南擔仔麵，麵彈牙爽口。 三杯小卷，又甜又香，勁入味，送飯一流，香港好小食到呢個菜。 花碉乳鴿，好小食到冷乳鴿，感覺好新奇，好重酒香，鴿皮又滑。呢度雖然好似好高級咁， 但價錢唔算太貴，但服務就好好，環境舒服，坐都好寬敞。