花楽 (北京道1號) (已結業)

餐廳位於北京道1號，可以望住尖沙咀海景食日菜，現場仲有live band 可以點歌，感覺好chill. 刺身油甘魚 ($58/2)中拖羅 ($178/2)刺身非常新鮮肥美，脂肪分布均勻，食落好有魚嘅脂香，而且魚生係厚切，好滿足！中華風燒賣壽司 ($118/4)賣相好特別，加咗少少粵菜嘅元素。佢用咗綠色嘅食用薄紙包住啲魚生飯，上面就放咗吞拿魚蓉、蟹肉絲、同埋飛魚子，幾有新鮮感。茗荷黑松露吞拿魚腩芝士卷 ($148)賣相好靚，每嚿壽司卷上面都有啲鮮花瓣做裝飾。吞拿魚蓉覆蓋喺壽司卷上面，個份量一啲都唔手軟，有淡淡嘅吞拿魚香，芝士就比較rich，所以成嚿食落個感覺都幾balance。白鱔 ($88)超級好食! 點檸檬汁後食。個魚皮厚得嚟但好脆，魚肉嫩滑，一咬落發現佢仲keep到d魚汁。鹽燒油甘魚鮫 ($168)份量比想像中多，有一大一小兩舊。大啲嘅魚鮫位會比較多汁同滑身，有啲位食落都幾肥美。