HABITŪ caffè (The ONE) (已結業)

一向鍾意CAFFE HABITU的出品，呢一日2PM終於放lunch break，決定對自己好啲，走去食返個all day breakfast。all day breakfast雖然材料簡單，但其實冇咩機會食到一個真真正正好食的，好似呢個，同樣有好有唔好，未算完美。多士烤得非常香脆鬆化，配埋新鮮士多啤梨果醬，簡單而美好。茄汁焗豆雖然係正常質素，但仍深得我心。炒蘑菇份量不多，但炒得香口惹味。炒蛋略嫌炒得未夠滑，如果加多點牛奶會更香濃。煙肉同樣犯了多油的毛病，而且比較乾身。煙三文魚普通質素，有根，不夠肥美。腸仔味道特別，有點泰式感覺，只是比較油膩。