影片
更多
2023-07-26
250 浏览
今日嚟咗依間尖沙咀isquare入面嘅中菜廳。如果早啲訂位嘅話應該可以坐到落地玻璃位置，可以飽覽維港景色。Menu圖文並茂，而且菜式都好吸引，亦都有啲係懷舊嘅中菜，唔係咁多地方食到。個茶用小火保住溫度，感覺貼心。我哋先叫咗個當紅脆皮雞 ($168半隻)脆皮雞嘅皮仲保持住光澤，皮薄香口，唔會炸到乾晒，肉質鮮嫩多汁。客家煎釀豆腐 ($138)賣相非常之吸引，雖然只係簡單嘅食材，但係豆腐好嫩滑，上面有釀肉碎同埋香蔥，配上簡單嘅醬汁調味，仲有少少菜心伴碟，家常又健康。港滙小炒皇 ($148)睇個菜名應該似係餐廳嘅拿手菜，入邊嘅材料豐富，除咗菜蔬之外，仲有腰果、蝦仁等，夠哂入味。太好餸，我哋都有叫到白飯餸。
Menu圖文並茂，而且菜式都好吸引，亦都有啲係懷舊嘅中菜，唔係咁多地方食到。
個茶用小火保住溫度，感覺貼心。
我哋先叫咗個當紅脆皮雞 ($168半隻)
脆皮雞嘅皮仲保持住光澤，皮薄香口，唔會炸到乾晒，肉質鮮嫩多汁。
客家煎釀豆腐 ($138)
賣相非常之吸引，雖然只係簡單嘅食材，但係豆腐好嫩滑，上面有釀肉碎同埋香蔥，配上簡單嘅醬汁調味，仲有少少菜心伴碟，家常又健康。
港滙小炒皇 ($148)
睇個菜名應該似係餐廳嘅拿手菜，入邊嘅材料豐富，除咗菜蔬之外，仲有腰果、蝦仁等，夠哂入味。
太好餸，我哋都有叫到白飯餸。
张贴
