影片
更多
2018-10-18
208 浏览
難得嚟到一間咁有情調嘅餐廳食泰國菜，窗口位置就望住個海，有種去咗泰國嘅休閒，今次就唔單止食泰菜，仲食埋環境～餐牌上主要分左小食、沙律、海鮮、肉類、飯麵同埋甜品飲品，款式係冇預期中咁多，因為有啲想食嘅菜式都係餐牌上面搵唔到，好似海南雞飯咁經典都冇。。。最後我哋兩個人就叫咗4樣野開餐！泰式沙嗲 4串 $88沙嗲串最好嘅地方就係可以揀豬雞各兩款，咁就可以一次過試晒兩種肉～沙嗲醬裏面有好多花生粒粒，味道都算好香濃，但就略嫌醬汁太過稀，就咁將串燒督落去就掛唔到汁，要將啲醬盛起先食到。平時比較鍾意食雞，不過今次我就投豬肉一票，肥瘦嘅比例啱啱好，仲保留住肉汁，好好食！青咖喱雞肉炒飯 $148原本以為嗌青咖喱雞肉炒飯可以順便試埋佢個咖喱，但係就有少少失望，因為配飯上個個咖喱汁唔算好多，同平時咖喱汁撈飯嘅期望有啲出入同埋雞件大部份都係雞胸，比較乾身同埋好鞋。但個飯就炒得幾香，唔使配咖喱汁都食到，不過如果多啲汁就好啦...金不換辣椒炒海鮮 $198四樣之中最喜歡嘅菜式，金不換同埋辣椒個汁好惹味， 香辣得黎帶點鮮味，攞黎送飯都得！海鮮好足料，唔係比啲餸頭餸尾，有大大粒帶子、蝦、青口和魷魚等等，分量多到兩個人
難得嚟到一間咁有情調嘅餐廳食泰國菜，窗口位置就望住個海，有種去咗泰國嘅休閒，今次就唔單止食泰菜，仲食埋環境～
餐牌上主要分左小食、沙律、海鮮、肉類、飯麵同埋甜品飲品，款式係冇預期中咁多，因為有啲想食嘅菜式都係餐牌上面搵唔到，好似海南雞飯咁經典都冇。。。最後我哋兩個人就叫咗4樣野開餐！
泰式沙嗲 4串 $88
沙嗲串最好嘅地方就係可以揀豬雞各兩款，咁就可以一次過試晒兩種肉～
沙嗲醬裏面有好多花生粒粒，味道都算好香濃，但就略嫌醬汁太過稀，就咁將串燒督落去就掛唔到汁，要將啲醬盛起先食到。
平時比較鍾意食雞，不過今次我就投豬肉一票，肥瘦嘅比例啱啱好，仲保留住肉汁，好好食！
青咖喱雞肉炒飯 $148
原本以為嗌青咖喱雞肉炒飯可以順便試埋佢個咖喱，但係就有少少失望，因為配飯上個個咖喱汁唔算好多，同平時咖喱汁撈飯嘅期望有啲出入
同埋雞件大部份都係雞胸，比較乾身同埋好鞋。但個飯就炒得幾香，唔使配咖喱汁都食到，不過如果多啲汁就好啦...
金不換辣椒炒海鮮 $198
四樣之中最喜歡嘅菜式，金不換同埋辣椒個汁好惹味， 香辣得黎帶點鮮味，攞黎送飯都得！
海鮮好足料，唔係比啲餸頭餸尾，有大大粒帶子、蝦、青口和魷魚等等，分量多到兩個人食唔晒，我諗三四個share就差唔多啦
魚露蝦乾炒椰菜苗 $98
椰菜苗都炒得好腍好入味，都係覺得份量超級巨型，三四個人食嗌佢就冇錯啦！我哋兩個飽到食下停下，食下停下先食得晒～
以為啲蝦乾係辣椒仔添😂
總括來講食物嘅質素都算係唔錯，同埋份量都係大大碟，但我覺得呢個價錢都算係食環境居多，依個景又真係唔錯，算係賞心悅目晚餐🤗
张贴
