Library Restaurant and Bar

营业中

休息中

晚市開返之後我真係日日都去試唔同餐廳，今次去左LIBRARY餐廳，因為真係好想試下夜晚去呢度睇住清真寺食野，扮去旅行。叫左個醋漬油甘魚刺身，幾開胃！麵豉醬燒豬腩仔肉，以小食黎講幾特別，幾惹味。半熟蛋蘆筍，底下係有個醬不過唔記得左係咩醬，因為我無點到.....哈哈，視覺上幾得意，但味道真係只屬正常蘆筍味。因為最近我做左個食魚達人，所以我去邊都揀食魚，我叫左個立鱗燒馬頭魚，HK$268，份量都算幾大，立鱗燒好正，好似食緊OMAKASE咁，係高級嘅口味，魚肉好結實，係深海魚嘅質感，魚味好濃，非常好食！立鱗炸到好脆，真係大推！呢度唔可以唔打卡，因為望住清真寺，個景真係好正，不過趁天氣涼好快D黎，夏天坐室外應該好辛苦。