影片
更多
2022-07-09
160 浏览
呢日終於有機會來到呢間長期都需要排隊嘅人氣漢堡包店，我地平日7點30分左右來到，好彩等左大約15分鐘左右已經可以入座，亦好好彩可以坐到海景位，喺排隊嘅時候，店員好細心咁已經俾餐牌俾排隊嘅人士揀定餐。上菜速度都好快，漢堡包一望到已經覺得好正，真係好厚身，即刻影番啲相嚟打卡。我同朋友都一樣係揀左兩件四安士嘅漢堡，不過朋友果份The Gold Standard（＄178）就有煙肉，我果份Double Cheese Burger（＄158）就冇，而我自己就走左酸瓜，因為我唔中意食。漢堡真係非常大，一口都咬唔哂，漢堡嘅醬汁調味好好味，而且四安士嘅漢堡真係非常正，口感極佳，而且好juicy。牛肉煮得帶有小小粉嫩嘅顏色，都好嫩滑，配上生菜同洋蔥，口感清新，包亦都夠鬆軟。呢個漢堡真係好好食，而且芝士味亦都很濃郁。Buffalo Wings（＄78），雞翼有五隻，大大隻，底下亦都有酸忌廉可以點來吃，增加滋味，雞翼肉質嫩滑，而且水牛城醬汁甜甜地辣辣地好惹味。Chili Fries（＄78）嘅味道非常豐富，有層次，有肉醬同芝士，另外亦都添加左類似孜然粉嘅味道，薯條亦都炸得非常脆身，誠意之作。飲品方面我叫左M
上菜速度都好快，漢堡包一望到已經覺得好正，真係好厚身，即刻影番啲相嚟打卡。
我同朋友都一樣係揀左兩件四安士嘅漢堡，不過朋友果份The Gold Standard（＄178）就有煙肉，我果份Double Cheese Burger（＄158）就冇，而我自己就走左酸瓜，因為我唔中意食。
漢堡真係非常大，一口都咬唔哂，漢堡嘅醬汁調味好好味，而且四安士嘅漢堡真係非常正，口感極佳，而且好juicy。牛肉煮得帶有小小粉嫩嘅顏色，都好嫩滑，配上生菜同洋蔥，口感清新，包亦都夠鬆軟。呢個漢堡真係好好食，而且芝士味亦都很濃郁。
Buffalo Wings（＄78），雞翼有五隻，大大隻，底下亦都有酸忌廉可以點來吃，增加滋味，雞翼肉質嫩滑，而且水牛城醬汁甜甜地辣辣地好惹味。
Chili Fries（＄78）嘅味道非常豐富，有層次，有肉醬同芝士，另外亦都添加左類似孜然粉嘅味道，薯條亦都炸得非常脆身，誠意之作。
飲品方面我叫左Mike's Lemonade（＄38）,帶有微酸，好清新，亦都非常開胃。朋友果杯Apple Pie Iced Tea（＄38）配有玉桂味，而且會有塊大大片嘅蘋果乾。
望住海景食漢堡包另有一番滋味，另外漢堡嘅包裝設計得好好，唔會食到成手都係汁，而餐廳亦都會提供厚身嘅紙巾，方便客人食咁大個漢堡需要抹咀用。另外侍應服務態度良好，值得一讚。
张贴
