海南少爺 (已結業)

 海南少爷系海港城入面食新加坡野既，最入面既位仲可以睇到无敌大海景🤩除左最传统最常见既新加坡菜色好似喇沙、肉骨茶呢啲之外，仲有其他创新啲既野食，而且嘢食质素都唔错！另外佢呢度既茶都比较特别，系荔枝红茶黎，饮落清甜解腻👍  1️⃣椰香海鲜喇沙（$98）个喇沙好香椰香味，另外配料都好丰富，有三大只虾🦐鱼片、鱿鱼圈，仲有半只半熟蛋🤤面底系掺掺，有米线同米粉，米粉挂汤啲，米线食落就滑身，配合埋香浓既汤底，真系令人食唔停口。  2⃣️星洲酱油参巴炒萝卜糕（$72） 呢个系佢地既招牌菜式之一，炒得好香好惹味，辣辣地，仲有啲芽菜，系出面未食过呢道菜。萝卜糕食落绝对有惊喜🤩酱汁够浓够香，但系唔会炒得湿立立，食落萝卜糕面头超香脆，黎到一定要试下呢个！  3⃣️海鲜酿油条（$68）油炸鬼中间酿左啲虾滑墨鱼滑咁，中间既料都塞得几多。油炸鬼炸得好脆，食落系喀喀声，再点埋酸辣酱食，作为小食食真系一流！  4⃣️马来虾面（$98）配料都系好丰富，有芽菜、炸蒜、猪油渣、肉片、虾、半熟蛋。面底系油面加米粉，就咁食落好浓味，不过就咁食就ok，如果饮个汤既话，就太咸😢个人就钟意个喇沙都啲。