影片
更多
2021-10-11
70 浏览
喺圓方睇完戲夠鐘食晚餐，又唔想出返去佐敦或者尖沙咀，所以就去試吓呢間天天海南雞飯，見到佢有個二人餐，唔使自己諗食咩，價錢又幾抵，一於試吓。之前佢啱啱嚟香港嘅時候聽過佢個名，話哂都新加坡過江龍，不過搵咗好耐都冇機會去試，今次呢個二人餐($428)包左一份天天海南雞(中size)，天天石鍋雞飯(1-2人份)，鴛鴦菜花，辣子金玉，脆爽海蜇，涼瓜鳯梨(鳯梨涼瓜燉龍骨湯)同埋豆腐花(花好月圓)做甜品。佢個餐牌似一本雜誌咁樣，最尾嗰幾頁仲有得買佢自己嘅紀念品，就算連碗碗碟碟筷子都可以買到，自己都有衝動買一套！因為真係好靚，而且仲要係我最鍾意嘅藍色，感覺好高貴同埋隆重。一開始係上咗涼瓜鳳梨同埋脆爽海蜇先嘅，個湯碗已經好架勢，而且睇得出係啱啱整起。自己本身唔食涼瓜，覺得好苦，不過呢一個湯係好清甜，完全飲唔到有涼瓜嘅苦澀味，每一碗仲有豬骨，飲得岀係用足料煲嘅。脆爽海蜇係冷盤，有芥蘭馬蹄同埋海蜇，馬蹄同海蜇夠爽，而且芥蘭唔會過老。熱盤有辣子金玉同埋鴛鴦菜花，前者係好似避風塘炒粟米咁樣，啲炒蒜同乾椒完全覆蓋左粟米，好足料，好惹味而且粟米好甜，有驚喜。後者就係馬拉盞鴛鴦椰菜花，都幾大塊，兩個人絕對夠飽。 天天
之前佢啱啱嚟香港嘅時候聽過佢個名，話哂都新加坡過江龍，不過搵咗好耐都冇機會去試，今次呢個二人餐($428)包左一份天天海南雞(中size)，天天石鍋雞飯(1-2人份)，鴛鴦菜花，辣子金玉，脆爽海蜇，涼瓜鳯梨(鳯梨涼瓜燉龍骨湯)同埋豆腐花(花好月圓)做甜品。
佢個餐牌似一本雜誌咁樣，最尾嗰幾頁仲有得買佢自己嘅紀念品，就算連碗碗碟碟筷子都可以買到，自己都有衝動買一套！因為真係好靚，而且仲要係我最鍾意嘅藍色，感覺好高貴同埋隆重。
一開始係上咗涼瓜鳳梨同埋脆爽海蜇先嘅，個湯碗已經好架勢，而且睇得出係啱啱整起。自己本身唔食涼瓜，覺得好苦，不過呢一個湯係好清甜，完全飲唔到有涼瓜嘅苦澀味，每一碗仲有豬骨，飲得岀係用足料煲嘅。脆爽海蜇係冷盤，有芥蘭馬蹄同埋海蜇，馬蹄同海蜇夠爽，而且芥蘭唔會過老。
熱盤有辣子金玉同埋鴛鴦菜花，前者係好似避風塘炒粟米咁樣，啲炒蒜同乾椒完全覆蓋左粟米，好足料，好惹味而且粟米好甜，有驚喜。後者就係馬拉盞鴛鴦椰菜花，都幾大塊，兩個人絕對夠飽。
天天海南雞飯分開雞同飯上嘅，雞件冇骨，新鮮嫩滑，而且加埋啲醬汁，終於明白過江龍嘅實力啦，如果個豉油醬可以再吉多少少嘅話，就真係百分百新加坡滋味啦。而石頭鍋飯感覺特別加分，好似會好味啲，果然我哋十五分鐘之後再食，出嚟嘅飯都仲係熱嘅。
最尾個豆腐花好難忘，佢唔係我哋普通食開喺香港地道嘅豆腐花，好似加咗花奶咁樣，有一份奶香嘅，而且質地都唔會好實。本身見到水汪汪以為佢落得唔夠豆，但係原來食落去之後又有一份淡奶香，好正啊！如果有得淨係買呢個豆腐花，我會買幾個返去食！
留意番茶錢係$9一位，但係我哋嗰日黃昏時分喺圓方食到呢一個性價比咁高嘅晚餐，望住呢個值幾千萬嘅日落，絕對值回票價。
张贴
