影片
更多
2022-03-02
639 浏览
望住啲水母喺度郁真係好治療，仲要撞正工作人員餵佢地食野，啲糧令到成個缸都閃令令咁樣仲靚。除咗好多一格格缸放左唔同品種嘅水母之外，仲有一個空間放咗幾條柱，入面都有好多隻水母，真係好靚😍除咗有水母之外仲會有啲投影喺水母缸既側邊，好似動畫咁更加靚☺️☺️開頭好怕得環境好，點知我錯了😙野食同環境都好好，睇住啲水母真係好治療店員都好好俾咗個打燈嘅嘢我哋驚我哋太黑影唔到相，點解可以咁貼心😆龍蝦奶昔$118其實係龍蝦湯加咗馬斯卡邦尼芝士忌廉，佢用咗透明杯裝，真係好似飲緊奶昔咁樣。其實佢係好香濃既龍蝦湯，但最緊要嘅係搞完一大輪佢仲可以係勁熱，出色，麵包都好脆，就咁食同點落去個湯都好正。（朋友大愛呀）黑松露野菌意大利飯$208嚟到嘅時候超級香松露味，果然食落去都係好香，而且飯軟綿綿，食落都唔錯，開頭以為佢唔多，但個碗深度高，所以都幾多下。帶骨豬鞍 $298超級正，朋友好貼心咁已經切咗一嚿嚿方便我食，佢係有厚度嘅豬鞍，軟硬度適中，食落去一啲都唔鞋，超好咬口，朋友表示味道好正（佢比較鍾意食鹹嘢），但我都覺得真係好好食，改變左我對食豬扒既睇法👍👍就連啲伴菜都好好食，佢係薯蓉，好香嘅牛油味同好滑，雜菜都好爽口，全份
除咗好多一格格缸放左唔同品種嘅水母之外，仲有一個空間放咗幾條柱，入面都有好多隻水母，真係好靚😍
除咗有水母之外仲會有啲投影喺水母缸既側邊，好似動畫咁更加靚☺️☺️
開頭好怕得環境好，點知我錯了😙
野食同環境都好好，睇住啲水母真係好治療
店員都好好俾咗個打燈嘅嘢我哋驚我哋太黑影唔到相，點解可以咁貼心😆
龍蝦奶昔$118
其實係龍蝦湯加咗馬斯卡邦尼芝士忌廉，佢用咗透明杯裝，真係好似飲緊奶昔咁樣。其實佢係好香濃既龍蝦湯，但最緊要嘅係搞完一大輪佢仲可以係勁熱，出色，麵包都好脆，就咁食同點落去個湯都好正。（朋友大愛呀）
黑松露野菌意大利飯$208
嚟到嘅時候超級香松露味，果然食落去都係好香，而且飯軟綿綿，食落都唔錯，開頭以為佢唔多，但個碗深度高，所以都幾多下。
帶骨豬鞍 $298
超級正，朋友好貼心咁已經切咗一嚿嚿方便我食，佢係有厚度嘅豬鞍，軟硬度適中，食落去一啲都唔鞋，超好咬口，朋友表示味道好正（佢比較鍾意食鹹嘢），但我都覺得真係好好食，改變左我對食豬扒既睇法👍👍
就連啲伴菜都好好食，佢係薯蓉，好香嘅牛油味同好滑，雜菜都好爽口，全份嘢都好好食😋
無論係環境定食物我都超滿意，但係由於佢枱唔算多，我建議book咗位先，我睇過佢總共得七張枱，但好慶幸我去食嘅時候冇人，好似包場咁樣，小確幸😇
同啲水母一齊食嘢真係好幸福，一路望住佢一路食，唔使入海洋公園都得啦☺
张贴
