食之劇場餐廳 (已結業)

平時真係好少何入到黎西貢，咁啱今日同老公放假，就去咗之前一直都想去好耐嘅白沙灣碼頭酒店嘅日本餐廳日本餐廳喺香港食得多，但可以望住個大大嘅海灘嚟食真係第一次店舖裝修非常寬敞，和式設計空間感十足中午時間嚟到除咗佢哋嘅lunch set西京燒上菜擺盤非常精美，有麵豉湯、沙律、醃物、白米飯、西京燒唔知係咪因為店舖特選用白神山地水早出嚟嘅飯都覺得特別好食，西京燒非常精美，魚肉油脂分布平均，啖啖魚香！呢到做嘅西京燒味道唔會過甜搶走魚肉本身嘅鮮甜，調味剛剛好！壽喜燒日本菜之中鍋物都係我至愛，上菜嘅時候牛肉仲係半生熟，所以就一定要快食如果唔係啲牛肉就會老，牛肉非常鮮嫩，基本上係入口即溶而且吸收晒壽喜燒湯汁嘅味道甜甜的！旁邊蒟蒻絲就更加吸收到整鍋菜嘅甜味，配飯一流！整體價錢雖然唔理啦算平，但係以食物質素同環境來講絕對值得！