紅蔥頭 (已結業)

今日幫朋友慶祝生日，本身book咗20:15， 但自己記錯時間遲咗15分鐘到， 餐廳都好好有幫我哋留座服務方面: 想表揚一下reception嗰位男侍應(有戴眼鏡，年紀比較大)，我哋一坐低佢就詳細介紹餐牌同埋做緊嘅優惠。食完晚餐之後，佢捧上生日心太軟時好親切地為我朋友唱生日歌亦都送上祝福 唱歌可能係公司需要， 但佢嗰份親切感真係為呢餐嘅慶祝再加分，多謝!食物方面: 心太軟好好味，因為佢會問你想幾時上菜，然後因返嗰個時間即焗即上。 另外叫咗個牛扒，我哋叫咗五成熟，但我諗佢煮到有啲過熟， 所以唔夠“林”， 有少少扣分。總結而言， 因為服務好好，我願意再次光臨。