影片
更多
2022-09-15
35 浏览
今日行過先知原來之前麥當勞個位開咗新餐廳，我見門口滿滿嘅植物同白色淺綠色小清新裝修，直覺話我知呢間餐廳一定好適合打咭！果然，行入少少就見到有張吊椅，坐低再環顧四周，發現好多位置都有精心佈置過，隨手影都好睇。影咗一陣相，食物都嚟到啦，呢度啲上餐速度都幾快。西京燒三文魚 $108三文魚燒得焦香，油脂豐富魚味重，配埋撈咗藜麥同車厘茄嘅沙律菜，健康得嚟又好味。香辣雞翼配荔枝沾醬 $48一份有五件，單骨雞翼食起嚟好方便，荔枝沾醬果香清新味道清甜。芒果熱情果牛角窩夫 $68牛角窩夫保留牛角包一層層鬆化酥脆嘅口感，比一般窩夫多咗份牛油香，加埋cream同酸酸甜甜嘅芒果熱情果醬，真係好好味，非常值得一試。藍莓芝麻 $42外觀好適合打咭！一入口似藍莓果汁，之後芝麻味先慢慢滲出來，味道好有層次，入面添加咗亞麻籽增加口感，越飲越好飲。肉桂蘋果 $34肉桂有幫助消化嘅功效，呢度仲可以自選烏龍或者係伯爵茶茶底添！
果然，行入少少就見到有張吊椅，坐低再環顧四周，發現好多位置都有精心佈置過，隨手影都好睇。
影咗一陣相，食物都嚟到啦，呢度啲上餐速度都幾快。
西京燒三文魚 $108
三文魚燒得焦香，油脂豐富魚味重，配埋撈咗藜麥同車厘茄嘅沙律菜，健康得嚟又好味。
香辣雞翼配荔枝沾醬 $48
一份有五件，單骨雞翼食起嚟好方便，荔枝沾醬果香清新味道清甜。
芒果熱情果牛角窩夫 $68
牛角窩夫保留牛角包一層層鬆化酥脆嘅口感，比一般窩夫多咗份牛油香，加埋cream同酸酸甜甜嘅芒果熱情果醬，真係好好味，非常值得一試。
藍莓芝麻 $42
外觀好適合打咭！一入口似藍莓果汁，之後芝麻味先慢慢滲出來，味道好有層次，入面添加咗亞麻籽增加口感，越飲越好飲。
肉桂蘋果 $34
肉桂有幫助消化嘅功效，呢度仲可以自選烏龍或者係伯爵茶茶底添！
张贴
