影片
更多
2021-10-27
57 浏览
今日收工過到嚟元朗朗屏站天橋橋底，食一間已經bookmarked咗好耐嘅台灣菜小店—木玥巷，佢喺屯門紅橋嗰頭仲有另一間分店。店舖裝修具有台式味道/木系風格，環境嚟講令人相當舒服，而且舖頭都幾寧靜，好適合同友人閒談。雙色鹽酥雞($56)每次食台灣菜必點的小食，第一眼印象係好薄粉，唔似有啲舖頭會整到好厚粉以致食唔到應有嘅雞味。呢份鹽酥雞嘅味道、份量都對得住價錢! 另外仲有啲酸酸甜甜醬汁，食落更加fresh。麻辣鴨血($70)近一兩年喺香港市面突然興起嘅小食，鴨血質感好嫩，非常索汁+入味！湯底係有少少香辣味，但程度未去到四川嗰種麻辣味咁勁，所以我都偷偷哋飲咗兩啖湯！呢份小食唔止鴨血，仲有同樣係好索汁嘅豆腐。塔香香辣牛肉炒飯($88)大大碟、香口、有鑊氣嘅炒飯，炒得粒粒分明、夠晒乾身，炒飯要滿足嘅嘢佢都可以俾到你。整體味道有啲類近平時茶記會食嘅生炒牛肉飯，呢碟香辣牛肉炒飯多咗好多香料，更加有層次，微微辣味令到碟飯更加吸引！蜂蜜冰烤地瓜($42)好少見到呢個小食，應該係台式地道嘢。之前從來未試過，今次係第一次接觸到，冰冰涼涼嘅口感又幾過癮，相當有驚喜嘅一個小食！木玥黃金水果茶($38)超大杯嘅水
雙色鹽酥雞($56)
每次食台灣菜必點的小食，第一眼印象係好薄粉，唔似有啲舖頭會整到好厚粉以致食唔到應有嘅雞味。呢份鹽酥雞嘅味道、份量都對得住價錢! 另外仲有啲酸酸甜甜醬汁，食落更加fresh。
麻辣鴨血($70)
近一兩年喺香港市面突然興起嘅小食，鴨血質感好嫩，非常索汁+入味！湯底係有少少香辣味，但程度未去到四川嗰種麻辣味咁勁，所以我都偷偷哋飲咗兩啖湯！呢份小食唔止鴨血，仲有同樣係好索汁嘅豆腐。
塔香香辣牛肉炒飯($88)
大大碟、香口、有鑊氣嘅炒飯，炒得粒粒分明、夠晒乾身，炒飯要滿足嘅嘢佢都可以俾到你。整體味道有啲類近平時茶記會食嘅生炒牛肉飯，呢碟香辣牛肉炒飯多咗好多香料，更加有層次，微微辣味令到碟飯更加吸引！
蜂蜜冰烤地瓜($42)
好少見到呢個小食，應該係台式地道嘢。之前從來未試過，今次係第一次接觸到，冰冰涼涼嘅口感又幾過癮，相當有驚喜嘅一個小食！
木玥黃金水果茶($38)
超大杯嘅水果茶，面頭仲有少少生果可以飲完杯茶再食。
雪菊蘋果茶($28)
友人叫咗呢杯熱嘅雪菊蘋果茶。
张贴
