影片
更多
2019-10-06
3129 浏览
黎到尖沙咀想搵間環境清幽既餐廳，同好友坐底靜靜地食下野傾下計。網上見到呢間Layback Cafe & Bar頗多好評，而且環境好chill，一於試下！一推開門店員就好熱情咁招呼我地坐卡位，我同好友都有選擇困難症，兩個望住餐牌揀左好耐店員都無催，第一印象即時加分～餐牌有主食、沙律、薄餅、小食、甜品供選擇，飲品選擇種類更多，有沙冰、花茶、酒精飲品等。餐廳分室內及室外用餐區，室內有舒適梳化，坐位非常鬆動，室外位置就夠哂chill，仲有書籍供借閱。無論室內外都滿佈櫻花裝飾，好靚好多打卡位！煙三文魚蟹籽卡邦尼扁意粉 HK$128卡邦尼醬汁非常香滑、Creamy，微鹹香既煙三文魚口感油潤，肉質柔嫩，扁意粉入口彈牙有嚼勁，掛汁力佳，每一啖都充滿忌廉奶香，配脆卜卜既蟹籽再夾雜新鮮沙律菜，出奇地夾，超高質既意粉，讚！炸粗切薯條配蜜糖芥末醬 HK$78份量十足既粗切薯條新鮮炸起，熱辣辣、金黃色既賣相好吸引！每一條都香脆可口，好邪惡啊～配帶點甜辣既蜜糖芥末醬提升味道層次～芝士煙肉焗有機大啡菇 HK$68有機大啡菇肥大厚身，菇味香濃，配以拉絲芝士、洋蔥、煙肉碎，味道、口感層次豐富，夠哂惹味，大大啖咬落去勁滿
同好友坐底靜靜地食下野傾下計。
網上見到呢間Layback Cafe & Bar頗多好評，
而且環境好chill，一於試下！
一推開門店員就好熱情咁招呼我地坐卡位，
我同好友都有選擇困難症，
兩個望住餐牌揀左好耐店員都無催，
第一印象即時加分～
餐牌有主食、沙律、薄餅、小食、甜品供選擇，
飲品選擇種類更多，有沙冰、花茶、酒精飲品等。
餐廳分室內及室外用餐區，
室內有舒適梳化，坐位非常鬆動，
室外位置就夠哂chill，仲有書籍供借閱。
無論室內外都滿佈櫻花裝飾，好靚好多打卡位！
煙三文魚蟹籽卡邦尼扁意粉 HK$128
卡邦尼醬汁非常香滑、Creamy，
微鹹香既煙三文魚口感油潤，肉質柔嫩，
扁意粉入口彈牙有嚼勁，
掛汁力佳，每一啖都充滿忌廉奶香，
配脆卜卜既蟹籽再夾雜新鮮沙律菜，
出奇地夾，超高質既意粉，讚！
炸粗切薯條配蜜糖芥末醬 HK$78
份量十足既粗切薯條新鮮炸起，
熱辣辣、金黃色既賣相好吸引！
每一條都香脆可口，好邪惡啊～
配帶點甜辣既蜜糖芥末醬提升味道層次～
芝士煙肉焗有機大啡菇 HK$68
有機大啡菇肥大厚身，菇味香濃，
配以拉絲芝士、洋蔥、煙肉碎，
味道、口感層次豐富，夠哂惹味，
大大啖咬落去勁滿足！
芒果沙冰 HK$68
夠哂冰涷，每一啖都透心涼，
甜度剛好，實在消暑一流！
牛油果沙冰 HK$68
有切粒牛油果、杏仁碎、朱古力醬，
冰感唔會過重，口感夠滑順，
絕對真材實料，健康加消暑之選！
张贴
