影片
更多
2017-05-04
1984 浏览
佛誕假，兩公婆和六歲仔仔到深井陳記食個晏，去咗7仔對面果間，舉手多次先有亞姐過來落單，假日，OK...落單點咗3個餸，其中一樣係蒸勝瓜。白飯同瀨粉就一樣餸都未到就上定先，攤凍咁得意? OK...到上咗兩個餸，食到一半，見勝瓜咁耐未上，睇檯面張單，漏單，冇勝瓜，假期有錯失，明白，算，唔追。到連個6歲人仔慢吞吞咁都食完，碟碟清，飲飽茶，hea夠，預備埋單，一位亞姐突然攞碟勝瓜上來。我哋話: "你單都冇寫..."，佢冇出聲，冇放低，攞走咗。之後第二位亞姐走過來，話電腦單有。再回佢: "你檯面單都冇寫勝瓜，你漏單，遲到我哋全部嘢食哂、要走、埋單先上菜?"亞姐居然鬧我哋: "咁係你哋唔啱喎! 檯面單唔會打足全部嘢，你哋又唔追單! 下次要追單先得㗎!"心諗: "嘩，檯面單都冇呢個order，自己漏單，重鬧個客唔追單唔啱?"嘴上回應: "重有下次? 你咁服務，我重會下次再來?"亞姐: "咁你下次唔嚟我都冇法。"對話中到收銀埋單俾錢，睇返單，居然收咗碟勝瓜錢。我同收銀女士理論，佢堅持冇食都要收錢，我話咁唯有白紙黑字寫低，蓋印確認情況，解決唔到就等法律解決，但佢話唔識寫，叫我寫，我寫咗相中檯面單上段嘢，
落單點咗3個餸，其中一樣係蒸勝瓜。白飯同瀨粉就一樣餸都未到就上定先，攤凍咁得意? OK...
到上咗兩個餸，食到一半，見勝瓜咁耐未上，睇檯面張單，漏單，冇勝瓜，假期有錯失，明白，算，唔追。
到連個6歲人仔慢吞吞咁都食完，碟碟清，飲飽茶，hea夠，預備埋單，一位亞姐突然攞碟勝瓜上來。我哋話: "你單都冇寫..."，佢冇出聲，冇放低，攞走咗。之後第二位亞姐走過來，話電腦單有。
再回佢: "你檯面單都冇寫勝瓜，你漏單，遲到我哋全部嘢食哂、要走、埋單先上菜?"
亞姐居然鬧我哋: "咁係你哋唔啱喎! 檯面單唔會打足全部嘢，你哋又唔追單! 下次要追單先得㗎!"
心諗: "嘩，檯面單都冇呢個order，自己漏單，重鬧個客唔追單唔啱?"
嘴上回應: "重有下次? 你咁服務，我重會下次再來?"
亞姐: "咁你下次唔嚟我都冇法。"
對話中到收銀埋單俾錢，睇返單，居然收咗碟勝瓜錢。
我同收銀女士理論，佢堅持冇食都要收錢，我話咁唯有白紙黑字寫低，蓋印確認情況，解決唔到就等法律解決，但佢話唔識寫，叫我寫，我寫咗相中檯面單上段嘢，收銀女士睇到寫住"責罵客人"，愕一愕，問我: "佢哋有鬧你咩?"
我將之前同亞姐對話內容重複，同佢講: "唔係你d伙計鬧我哋，果幾十蚊，假期，帶住細路，會同你嘈?"
亞姐否認鬧我哋，收銀好似知理虧，offer我哋下次再來9折，我答: "重有下次?" 佢答: "咁真係冇辦法。"
最後收銀蓋公司印在單上確認所寫情況。
137 浏览
0 赞好
0 留言
张贴
