沙嗲王 (眾安街) (已結業)

5月1日假期，下午4點半。我們點了清湯香矛豬扒烏冬，香芒蟹肉炒飯，炸蝦卷，牛油蒜香雞翼，凍零賓，凍零水走冰。我們都唔該前唔該後地比足禮貌，但係個個職員都鞋口鞋面。炸蝦卷，雞翼先上了，新鮮炸好，感覺不錯，蝦卷料很足，雞翼賣相很好，味道一般。烏冬隨後就上，味道不錯。全部食晒後，炒飯遲遲未到，5點催一次，等到5點14分仲未有，我再催，見職員用對講機問完，就隨手在台上取一碟飯過來，原來一早做已好，放一啖入口，即時粗口都忍唔到*****凍哂!叫佢炒過又怕佢加料。忍埋佢，凍飯炒得再好都唔係好食。我問佢凍零水仲未來，佢答我唔記得落單!!我嬲到講唔出野，埋單走人。