今次黎到旺角又試試佢 果然保持到佢應有既cp值
仲有驚喜Tim
我今次同朋友早左黎 避過左人潮
放題黎講算cp值算高
門口一入到黎就見到甜品部 有好多係本店自製既甜品 真係想試哂佢
呢度就係飲品櫃 只要滿18歲 就全部任飲
因為除左汽水仲有含酒精飲品 黎飲番幾罐啤酒
都回到部分本啦
由於朋友唔太食生野 所以都係食幾多叫幾多
刺身都算新鮮 帶子推薦一定要食 夠大粒
又一推薦 燒鰻魚 無咩骨 燒汁夠 好味
芝士燒焗帶子 我其實總共食左5-6隻 驚喜驚喜 芝士唔會太流 又有點點酸味提味 非常醒胃
之前試過其他放題 手卷部分都係有一定分量
但呢間手卷係我見過既最細 比食一年壽司仲細
喜愛食海膽既我當然叫一份黎試味
尚算合格 始終放題質素 應論及cp值
芝麻雞翼 質素平穩 不過不失
最重要係 呢度落單同上菜速度極快 又有禮貌
值得一讚！
