影片
更多
2004-12-31
6 浏览
昨日正值休息,女朋友又剛好收早,於是傍晚便到沙田接佢放工後一起逛街;行左一陣,突然想起不如試下搭馬鐵入馬鞍山行下,於是便到大圍轉車入去,只用了十五分鐘便到達馬鞍山站,一出就係我地今日的目的地---新港城;同女友行完成個商場,開始肚餓,就到處找尋地方醫肚,行左一圈,見到有間椰林閣,睇落裝修同環境幾好,價錢亦OK,於是決定入去試試,點知......惡夢就此開始了!!首先入到去,有個女高級職員係門口,但係就連最基本的禮貌語---歡迎光臨都冇,跟住話佢知兩位唔食煙,佢竟然同我講︰「兩位自已直入最尾搵張檯坐啦!」有冇搞錯!!!!!就算茶餐廳D伙計都會講番句︰「喂~~黎呢張坐好嗎?」;行到入最尾,見到一位應該係經理的男人,又係黑口黑面,冇d笑容咁講︰「坐,坐,鐘意邊張就坐邊張啦!」坐低左後俾水同MENU時放到「拍拍聲」,仲衰過茶餐廳!!!到我地選好食物後叫人落單,有個男仔木口木面咁行埋黎落單,好明顯一睇就知佢新黎,講野騰騰震,又冇覆單,就咁行開取用具set位;到食物黎到,竟然兩樣都錯晒,我地係落美式什扖餐同海南雞飯餐,居然黎左黑椒雞扖,叫佢換俾我地,轉個頭竟然拿著張電腦單黎問番我地頭先落左d乜,最
見到有間椰林閣,睇落裝修同環境幾好,價錢亦OK,於是決定入去試試,點知......惡夢就此開始了!!
首先入到去,有個女高級職員係門口,但係就連最基本的禮貌語---歡迎光臨都冇,跟住話佢知兩位唔食煙,佢竟然同我講︰「兩位自已直入最尾搵張檯坐啦!」有冇搞錯!!!!!
就算茶餐廳D伙計都會講番句︰「喂~~黎呢張坐好嗎?」;
行到入最尾,見到一位應該係經理的男人,又係黑口黑面,
冇d笑容咁講︰「坐,坐,鐘意邊張就坐邊張啦!」坐低左後俾水同MENU時放到「拍拍聲」,仲衰過茶餐廳!!!到我地選好食物後叫人落單,有個男仔木口木面咁行埋黎落單,好明顯一睇就知佢新黎,講野騰騰震,又冇覆單,就咁行開取用具set位;到食物黎到,竟然兩樣都錯晒,我地係落美式什扖餐同海南雞飯餐,居然黎左黑椒雞扖,叫佢換俾我地,轉個頭竟然拿著張電腦單黎問番我地頭先落左d乜,最後都死死氣返去換番個什扖俾我;過左冇耐,我地另點的法國田螺都黎埋,黎到的食物水準同味道都算唔錯,女友同我講話算啦,見d野食都ok,就當頭先的事得啖笑囉!!!食晒飲完野後已經九點半,諗住叫人埋單,點知方圓十幾張檯內,一個職員都冇,淨係見到好多職員趕住去換衫收工,當時除左我地,仲有五張檯的客人想叫埋單或寫餐飲,我地成班人好似傻瓜咁不停揮手,足足五分鐘過後,有d換完衫收工的職員才施施然叫人過黎睇下,卒之有個女仔行埋黎幫我地,但態度好散漫,講野好似死老豆咁;最後埋單要$156,本來真係想找散銀俾,一個仙tips都唔俾,但搵極都搵唔到,唯有俾$160,女友話個4元當益佢地,以後冇下次,走時沿途行出門口,個個苦瓜干咁望住人,個經理又企係門口同收銀員傾計,目光斜視咁睇住我地走;唉~~~都唔知咁既經理,員工咁既服務態度,都可以有幾十間分店,又可以咁好生意,唔通香港冇其他地方可以食野,定還是係香港人犯賤呢?????
我發誓以後都唔會再去椰林閣集團旗下所有餐廳!!!!!
张贴