海鮮生蠔吧 (已結業)

擒日去咗ｃｗｂ護膚品開倉，買完嘢約埋響附近返工嘅家姐食ｌｕｎｃｈ，嘩呢間嘢ｄ　ｓｅｒｖｉｃｅ真係拍得住ｄ地”ｍａｕ”。話說我地兩個一人叫咗一個牛排ｓｅｔ，一個要五成、一個七成，咁個湯都幾好飲ｇａｒ，不過個主菜一黎就噴火－－－五成變八成、七成變柴皮！！！！咁本來我地覺得佢唔太硬就照食啦，後來諗諗吓都係同佢反映吓啦，點知佢一開口就話：「咁你而家都食咗一半啦，你如果一開始覺得硬就同我地講，咪煎過塊俾你囉！！但係你而家食咗啦喎，牛排呢ｄ嘢，ｄ師傅有時煎過龍都好正常啫，唔出奇啫！」＄９８蚊食個ｌｕｎｃｈ你用ｄ咁嘅態度同我講嘢，你當我乞兒呃你塊牛排咩！我地表明態度話唔係叫你換，只係反映俾你知（因為我家姐同ｄ同事成日去食ｌｕｎｃｈ），呢個阿叔見我地好”蝦”，仲越講越大聲好似皮質醇過高咁，係咁話我地食咗一半先講，煮得過熟”唔出奇”。我就覺得好出奇，明明佢睇完塊排都話係太熟，但係點解一句唔好意思都冇講就係咁話太熟好正常？？咁正常我以後想食五成係咪要叫三成，想食七成咪要叫五成？nonsense!!!!咁唔負責任嘅餐廳真係第一次見。搞到我冇哂ｍｏｏｄ．