影片
更多
2023-03-24
27 浏览
九龙城除咗食泰国菜之外，其实仲有其他好选择，今次就嚟咗呢边打边炉，系一间充满怀旧味道嘅火锅店。装修方面，好似去咗七八年代嘅香港，坐低之后店员就向我哋推介时令海鲜，都几抵食，但由于朋友对海鲜有啲敏感，所以就冇食。汤底方面，我哋拣咗少爷鸡煲翅 $398。汤底好快就已经送上，有半只鸡、鱼翅竹笙，同埋大量嘅冬瓜，店舖仲好贴心将啲鱼翅隔开，方便客人食，仲会帮我哋即场将啲鸡切件，好贴心服务好好。 滚咗之后，首先可以饮咗个汤先，无论系鸡本身定系汤，都好有鸡味，鸡肉够滑，再加上鱼翅冬瓜等等嘅材料，令到成个汤底香得来又带点清甜，真系好好饮，店员仲会keep住帮我哋隔鸡油，所以饮落去嘅汤唔会太过油腻。之后我哋就嗌咗啲配料打边炉，包括系黑豚肉，四宝饺、芝士虾丸、芝士牛丸。值得一赞系佢哋嘅丸类全部都系手打自家制，同平时食开嘅芝士牛丸完全唔一样，感觉真系用咗真牛肉去整，芝士虾丸，亦都有浓浓嘅虾味，配埋溶咗嘅芝士，真系非常好味。另外，我哋仲嗌左几款小食，老友鬼鬼同埋鸡软骨，好脆嘅油炸鬼包住虾饺，口感好好👍鸡软骨，亦都炸到脆卜卜。食完之后到最后仲有甜品，啫喱同埋糖不甩，呢餐真系好饱好饱，亦都好满意。
装修方面，好似去咗七八年代嘅香港，坐低之后店员就向我哋推介时令海鲜，都几抵食，但由于朋友对海鲜有啲敏感，所以就冇食。
汤底方面，我哋拣咗少爷鸡煲翅 $398。汤底好快就已经送上，有半只鸡、鱼翅竹笙，同埋大量嘅冬瓜，店舖仲好贴心将啲鱼翅隔开，方便客人食，仲会帮我哋即场将啲鸡切件，好贴心服务好好。
滚咗之后，首先可以饮咗个汤先，无论系鸡本身定系汤，都好有鸡味，鸡肉够滑，再加上鱼翅冬瓜等等嘅材料，令到成个汤底香得来又带点清甜，真系好好饮，店员仲会keep住帮我哋隔鸡油，所以饮落去嘅汤唔会太过油腻。
之后我哋就嗌咗啲配料打边炉，包括系黑豚肉，四宝饺、芝士虾丸、芝士牛丸。值得一赞系佢哋嘅丸类全部都系手打自家制，同平时食开嘅芝士牛丸完全唔一样，感觉真系用咗真牛肉去整，芝士虾丸，亦都有浓浓嘅虾味，配埋溶咗嘅芝士，真系非常好味。
另外，我哋仲嗌左几款小食，老友鬼鬼同埋鸡软骨，好脆嘅油炸鬼包住虾饺，口感好好👍鸡软骨，亦都炸到脆卜卜。
食完之后到最后仲有甜品，啫喱同埋糖不甩，呢餐真系好饱好饱，亦都好满意。
张贴
