草民 (已結業)

同朋友一行5人去下午茶，被安排坐到仿草地榻榻米區既3張小圓檯。先叫左一個套餐、幾個小食同幾杯飲品。餐廳一啲都唔貼心，餐碟好大，食物都差啲放唔落，大家都食得好就住就住。後來，有個朋友不小心倒瀉左杯飲品，我地一面幫手擦乾仿草地，一面叫朋友去洗下條裙。店員一見到打瀉杯飲品立刻黑面，完全0幫手，淨係黑住面遞左幾張紙巾，全程都係我地自己擦。店員仲問都無問就將我朋友剩番半杯既飲品拿走，完全無禮貌。過左10分鐘左右，店員再過黎話要我地坐逼啲（即5個人用2張小圓檯），因為她要吹乾先前濕左既地方俾下檯客人。5個人3張檯已經好勉強，仲要5個人坐2張細檯？！實在唔知點樣坐得落，唔通企係到食？再問下檯客幾時到，佢話2個半鐘之後。2個半鐘後個地點都乾啦，我地啲嘢食到一半要我地起身搬，我地就唔係客？服務真係差到離譜！隔黎檯都睇唔過眼，主動提議我地用佢張檯（因他準備結帳）先解決問題。全程店員都黑曬面，無幫過我地搬檯，仲一路用不友善眼神𥄫住我地。倒瀉嘢係無人想發生既事，我地亦有幫忙擦乾。我唔知點解哩間餐廳連處理客人倒瀉嘢哩啲基本應變能力都無，更枉論有服務可言。真心唔建議黎哩間餐廳，除非你想俾錢人當你草民咁對待。