影片
更多
2021-02-08
177 浏览
用餐時間：普通星期6 1145餐廳本身12點先開門，不過嗰日佢哋早左15分鐘開始安排入座。我地1115去到已經開始人多，始終無得訂位之下，如果唔早啲去就未必食到啱啱開店第一round。不過目測雖然人多，不過應該全部12點之前到既都食到第一round。今日叫左第二貴既srf和牛放題，僅此於最貴既澳洲和牛放題。放題時間係120分鐘。荃灣店做緊新張優惠，所以有88折。餐廳格調唔錯，而且衛生都幾好。醬汁方面都比一般燒肉店多選擇。餐廳主要都係用qr code落單，有得叫肉類，海鮮，熟食，飲品。自助區亦都有其他飲品選擇。如果like左佢哋fb或者ig仲會送珍珠奶茶。我覺得srf既雪花紋已經好靚，而且食落都幾似日本和牛。如果下次有機會會試埋最貴既澳洲和牛放題。呢度服務係超好，揀餐之前店員會主動向我地介紹一下套餐。除此之外，佢哋換爐網都換得好密，大概10-15分鐘就會幫我地換一次，仲要唔洗我地叫佢哋而係佢哋自動波換，好值得欣賞！最後每人都會送翻一份甜品，有餐廳自製既甜品，亦都有hagen daaz。我同朋友都係揀左雪糕，分別係曲奇&野莓味。餐廳食物質素非常好，海鮮一啲腥味都無(青口，帆立貝，墨魚)，而
餐廳本身12點先開門，不過嗰日佢哋早左15分鐘開始安排入座。我地1115去到已經開始人多，始終無得訂位之下，如果唔早啲去就未必食到啱啱開店第一round。不過目測雖然人多，不過應該全部12點之前到既都食到第一round。
今日叫左第二貴既srf和牛放題，僅此於最貴既澳洲和牛放題。放題時間係120分鐘。荃灣店做緊新張優惠，所以有88折。
餐廳格調唔錯，而且衛生都幾好。醬汁方面都比一般燒肉店多選擇。
餐廳主要都係用qr code落單，有得叫肉類，海鮮，熟食，飲品。自助區亦都有其他飲品選擇。如果like左佢哋fb或者ig仲會送珍珠奶茶。
我覺得srf既雪花紋已經好靚，而且食落都幾似日本和牛。如果下次有機會會試埋最貴既澳洲和牛放題。
呢度服務係超好，揀餐之前店員會主動向我地介紹一下套餐。除此之外，佢哋換爐網都換得好密，大概10-15分鐘就會幫我地換一次，仲要唔洗我地叫佢哋而係佢哋自動波換，好值得欣賞！
最後每人都會送翻一份甜品，有餐廳自製既甜品，亦都有hagen daaz。我同朋友都係揀左雪糕，分別係曲奇&野莓味。
餐廳食物質素非常好，海鮮一啲腥味都無(青口，帆立貝，墨魚)，而且做得幾入味。熟食都做得唔錯，尤其鍾意佢既黃金泡菜，感覺好食過平時食開既泡菜。
最後埋單連加一再88折係$643，兩個人平均每人$322。呢度食物，環境，服務全部都幾好，呢個價錢以srf和牛放題黎講都唔算貴。總括黎講，今餐飯既性價比算係幾高。
我地1345走嗰陣見到門口已經有第二條人龍等緊食第二轉，睇黎真係幾受歡迎，而我亦都覺得佢受歡迎係件好合理既事。
张贴
