新斗記 (已結業)

昨日下午約左父母去屯門新斗記飲下午茶，2：00開始叫客人入座，我地no.128, 大概等左10至15分鐘就安排入座，等候時間無問題，但入內全無侍應招待，然後終於見到有侍應，問佢張枱向邊，佢只係答向裡面，咁大佬呀！即是邊度裡面呢？可能我父母係呢度常客，佢話唔入裡面啦！因為好焗，咁啱向大堂有張吉枱就呢張啦！咁我地同侍應講，佢地話唔得架，安排好晒架，出面安排好架啦！唔係會好亂架，一係你同出面派位嘅小姐講啦！咁我阿媽咪拎埋張攞位票出去同個小姐講，而裡面大堂侍應又係咁問我地拎張攞位票喎，我話我阿媽出左去同派位小姐講喎，所以俾唔到你住，因為都有一段時間，見阿媽未返咪出去搵佢啦！點知出到去，見到張票向個派位小姐張枱度，我阿媽就問佢可唔可以寫返大堂嗰張枱嘅no.152，佢話唔得嗰喎，枱係我地安排，唔係你地安排嗰喎，又話裡面無通知，又話張枱已經俾左人咯喎，咁我話裡面嘅侍應叫我地出黎改嘅，佢話無喎，唔得嗰喎，但我話我見我阿爸坐左向度咯喎，張枱俾左人，佢話係呀！唔得架，期間我仲聽到佢用walkie talkie 同裡面d人講（係啦！安排左no.331俾佢地坐，又話要轉no.152喎）我話ok, 咁我地唔食啦