一鍋堂 (新都會廣場)

星期一晚七點過去食晚飯，本身小朋友好肚餓，但係見到只係等五張枱，而且入去行咗個圈好多吉枱，於是攞飛。點知等咗半個鐘左右佢先開始嗌位，最後我係坐返自己一去到已經見到冇人嘅吉枱，唔憂做到極。

然後一入到門口好大浸漂白水清潔味，完全唔開胃，食物質素普通，不過服務真係差，成間餐廳冇乾同埋濕紙巾，佢哋話以前有而家唔供應，又話冇貨，真係好fun, 你打算去廁所洗手咩？要落到4樓。

呢間餐廳直頭搞到我怕咗出街打邊爐。