大家樂 (葵涌廣場)

营业中

休息中

今日放左學落去呢度食下午茶，不過都係優惠券作怪啦。今次要雞翼同香辣薯條。飲凍奶茶，剛好十八大元。減左五元，十三元咋。但佢地服務就差點，收銀都要等下先買到野食。去到水吧，雞翼薯條都攪好哂，杯凍奶茶呢？班人仲係度吹水，又唔將D tray推前，攪到等左好耐。爭D攪到我後面果D都可以遲來先上岸。咁都有既！講番野食啦，雞翼都係無乜蜜味。但勝在雞翼都幾脆口，合格啦。香辣薯條根本就唔辣既，應該叫香脆薯條啦。但薯條都好有薯味既，算啦。凍奶茶都係咁好飲。整體上，都係普普通通。食物無乜特別要要求，但服務真係要改善下。下次都係去返昌耀大廈果間，起碼無咁多人同坐得舒服一點。星期四再去昌耀果間食早餐啦。