麻布茶房 (已結業)

白肉抹茶冰淇淋~抹茶雪糕好味，唔會好似其他地方奶味重過抹茶，紅豆夠多。和風鳥唐提物定食(配肉碎飯)~雞肉好滑，醬汁酸酸甜甜，好開胃，可惜個飯唔熱，只有微暖。芝麻醬鮮蝦冷麵~正！可以跟魚一丁冷麵一較高下，各有長處，麻布既芝麻醬比較酸，伴菜較多。魚一丁麵較彈牙有口感，醬較濃，重芝麻味。最搞笑係待應上錯菜，拎左雞軟骨定食俾我地，之後我地同佢\講上錯菜，個待應就拎走碟雞軟骨，碗飯就仍然係台，等左好耐上和風鳥唐提物定食時，又拎多碗飯黎，咁我地當然冇出聲啦，快快脆食埋~咦？到埋單時又計埋頭先多左出黎碗飯，咁我地當然問下個待應啦~哦~Good!原來佢\地出錯單，最後都冇計飯錢(嘿嘿~佢\地都忘了上多左)。其實我覺得呢間舖不嬲服務都唔好架啦，之前黎過幾次，d待應都係木無表情，又冇服務，茶又唔肯斟，叫d侍應落單、斟茶都冇乜反應，等好耐。不過今次黎就算係最好既一次，斟茶斟得好密，叫d侍應落單都有反應。所以今次就俾個笑面啦。