影片
更多
2004-02-02
19 浏览
該店雖然是屬於稻香集團旗下，我原本都有一定信心，但想不到今次竟是如此貼錢買難受！上周六晚上七時半，咱們一行十二人在上址晚膳：(1)下午朋友定位時，個侍應姐姐仔態度已相當有問題，她晦氣地說：「唔好遲呀，過一分鐘我地都唔會等架！」但附近中式餐廳爆滿，加上稻香名氣關係，無所謂啦！(2)當晚所點約十道菜餚味道大致上可以接受(註：落油相當重手，典型客家菜？)，但不是外面讚得咁誇張，有點失望；其中一味招牌菜「蘇皮雞」，竟被發現D雞骨煮唔熟，有血水滲出(大佬，禽流感家陣在東南亞攪到咁大鑊，佢唔係呀嗎？當堂胃口頓減)！(3)至八時十五分，可能當時多人等候關係，侍者竟在我們未食完時就想收掉我們的筷子及碗(注意：唔係桌上菜餚而是個人碗筷，明顯想我地快D走)，我們阻止，話重未食完，個姐仔就問我地重有無其他order，并重覆話「因為外面重有好多人等緊」，我們話等等先，睇吓叫唔叫D熱甜品食吓(不是為了鬥氣，本來真係想食)，十秒鐘之後，有另一個應該高級D的侍者姐姐過來，再問我地：「熱的甜品已經賣晒，重叫唔叫其他野食？因為張枱有人等緊」，我地開始光火，投訴其服務態度，豈料對方竟曰：「我地唔係想趕你地走，不過今晚人多
(1)下午朋友定位時，個侍應姐姐仔態度已相當有問題，她晦氣地說：「唔好遲呀，過一分鐘我地都唔會等架！」但附近中式餐廳爆滿，加上稻香名氣關係，無所謂啦！
(2)當晚所點約十道菜餚味道大致上可以接受(註：落油相當重手，典型客家菜？)，但不是外面讚得咁誇張，有點失望；其中一味招牌菜「蘇皮雞」，竟被發現D雞骨煮唔熟，有血水滲出(大佬，禽流感家陣在東南亞攪到咁大鑊，佢唔係呀嗎？當堂胃口頓減)！
(3)至八時十五分，可能當時多人等候關係，侍者竟在我們未食完時就想收掉我們的筷子及碗(注意：唔係桌上菜餚而是個人碗筷，明顯想我地快D走)，我們阻止，話重未食完，個姐仔就問我地重有無其他order，并重覆話「因為外面重有好多人等緊」，我們話等等先，睇吓叫唔叫D熱甜品食吓(不是為了鬥氣，本來真係想食)，十秒鐘之後，有另一個應該高級D的侍者姐姐過來，再問我地：「熱的甜品已經賣晒，重叫唔叫其他野食？因為張枱有人等緊」，我地開始光火，投訴其服務態度，豈料對方竟曰：「我地唔係想趕你地走，不過今晚人多，你地叫唔叫其他野，重想坐幾耐，講清楚的話我地安排人客坐位都易D！」佢走後不到一分鐘，更放了八個客人入來站在我們桌邊等位，最後我地當然只好去第二度食甜品啦！
以稻香之品牌，這次遭遇真係難以置信。唉！「沙士」走左無耐，今時今日咁既服務態度真係...唔通依家香港經濟真係咁掂？食物幾好味都係假，而且又唔係特別平，被人咁侮辱法，你地唔怕受氣的就即管去啦！
张贴