滿屋日本料理 (已結業)

係openrice度訂位（17:30-19:30），大約下晝三點幾四點有人打黎confirm booking同埋講預約編號。食物質素整體比起銅鑼灣嘅極尚大喜屋同極尚大瀛喜好少少，但係服務比起極尚大喜屋差一截。1）出餐慢，成日cut單漏單大概五點七左右寫紙落第一次單，但係六點幾都未黎齊。有d食物係叫左從來到冇黎，例如龍躉天婦羅。更加離譜嘅係，係last order個時叫左個蟹粥，明明七點一左右已經問有冇嘢未黎，去到19:22先到，19:25係咁問食完未，開始執檯。都明下一round就黎開始，但係真係想d客準時走，係唔係要早d出餐呢？2）食物質素整體食物質素正常，但係某幾樣嘢真係伏到爆。個窩夫硬到成塊鐵；牛仔骨直頭係生嘅。3）環境個場好逼，兩個人黎放一隻大碟，已經冇位。