鴻星中菜 (荃灣廣場) (已結業)

之前見鴻星做星期三小菜有半價優惠，特登約咗男友今晚過去食飯，今晚07:20入去坐低，07:30落咗order, 等咗半個鐘頭都未有嘢食，咁就叫咗個侍應埋嚟，話如果啲嘢食未整，就唔使上啦。佢話已經出緊㗎啦，就繼續等啦。再等多20分鐘都冇嘢食，係一樣菜都冇上過，所以就叫咗佢成張單取消，然後我哋就走咗啦。其實真係好嬲囉，我明白晚飯時候有時好忙，等半個鐘我OK嘅，但係等咗成50分鐘一樣菜都冇上過，我真係接受唔到。我覺得我已經算好脾氣㗎啦，冇話投訴淨係話取消張單就走人。其實我覺得你哋咁大個集團，做唔切咪唔好做優惠囉，雖然半價，咁但係客人嘅時間就唔係時間咩，經過今次嘅經驗，你哋公司再做優惠我都唔會再嚟啦！