北海道爐端燒 (已結業)

半年前黎食過，覺得唔錯，可惜今次再訪覺得退步左。連weekday都好full，完全唔夠人手，見到都覺得辛苦，都明點解個個黑口黑面。食物選擇好多，連拉麵、意粉都有，價錢係尖沙咀居酒屋黎講都算平，可惜唔係樣樣好食。明太子雞蛋卷 $68蛋卷好軟滑，明太子份量剛好，唔會太咸，好有鮮味北海道蟹蓋蟹肉蟹膏燒 $78蟹膏好幼滑，燒完之後味道比較濃，帶焦香，有一絲絲蟹肉三色蟹蓋 $128加入海膽，燒完比平時生食味道更濃郁，同蟹膏好夾，好creamy。鮑魚 $62好好彩叫到最後一隻鮑魚，燒完好彈牙，比凍食更美味。和風凱撒沙律 $52好清新，份量都幾多。牛舌 $38x2好乾好韌，完全咬唔開。特上壽司盛盒 $198賣相同味道都唔錯,飯嘅份量較少，食落剛好。三文魚刺身 $75油甘魚刺身 $88刺身份量都多，不過唔新鮮。