影片
更多
2008-08-06
9 浏览
今日8號風球唔使返工, 改掛3號風球後諗住去食日本放題, 諗住去青葉, 點知又冇開, 諗起 openrice 都有人讚此食店, 咪諗住去試吓囉, 唉!!! 點知真係一肚氣!! 坦白講, 食物就真係一般啦, 都真係幾失望喎, 例如:-三文魚剌生 - 又薄又細件。炸生蠔 - 睇落好似好大隻, 點知食落一口都係炸粉。野菜牛肉鍋 - 個鍋都幾大, 都夠熱；真係一個野菜鍋囉, 得3片牛肉(莫非啲牛肉好貴?) 問個待應, 你估佢點答? "個鍋有其他餸, 有菜, 有豆腐....." 仲話 "如果你要多啲牛肉, 再加比你啦"。你話有冇攪錯呀!!! 餃子雞翼 - 竟然話賣晒!! (嗰時係 8: 30pm)爐端燒物 (牛仔骨 / 牛排) - 唔知點解, 食到啲醬汁都係鰻魚汁味 好啦, 諗住埋單走人, 出到門口諗住拎番把遮, 哼!! 點知連遮都唔見埋!! 嘩! 3號風球喎, 出面又落緊雨, 梗係同佢理論啦!! 佢地1個叫1個, 最後有位待應同我哋講, 話 "唔好意思, 我哋從來冇試過咁" 之後, 佢走入廚房拎咗把遮出黎, 仲話 "用住先" 我同佢講, "冇意思, 亦都冇理由要你同事把遮, 出面都落雨,
坦白講, 食物就真係一般啦, 都真係幾失望喎, 例如:-
三文魚剌生 - 又薄又細件。
炸生蠔 - 睇落好似好大隻, 點知食落一口都係炸粉。
野菜牛肉鍋 - 個鍋都幾大, 都夠熱；真係一個野菜鍋囉, 得3片牛肉(莫非啲牛肉好貴?) 問個待應, 你估佢點答? "個鍋有其他餸, 有菜, 有豆腐....." 仲話 "如果你要多啲牛肉, 再加比你啦"。你話有冇攪錯呀!!!
餃子雞翼 - 竟然話賣晒!! (嗰時係 8: 30pm)
爐端燒物 (牛仔骨 / 牛排) - 唔知點解, 食到啲醬汁都係鰻魚汁味
好啦, 諗住埋單走人, 出到門口諗住拎番把遮, 哼!! 點知連遮都唔見埋!! 嘩! 3號風球喎, 出面又落緊雨, 梗係同佢理論啦!! 佢地1個叫1個, 最後有位待應同我哋講, 話 "唔好意思, 我哋從來冇試過咁" 之後, 佢走入廚房拎咗把遮出黎, 仲話 "用住先" 我同佢講, "冇意思, 亦都冇理由要你同事把遮, 出面都落雨, 而我把遮係新買", 之後佢就答 "哦, 你想要錢, 係咪?" 嘩!! 真係把幾火!!!
真係以後都唔會再黎食呀!!!!!
张贴