牛陣 (已結業)

同朋友去牛陣食過兩次第一次去個時聖誕節牛陣剛開業，所以諗住試下當日因為假期關係所以價錢比較貴，限時個半小時 (最平既套餐都每位 $198)食物還可以，一開始會攞一碟牛一碟豬肉，另外配料任攞，亦有雪糕個次去都覺得唔錯，因為d肉望落都幾新鮮，湯底亦唔錯，只係價錢比較貴少少第二次去簡直係惡夢...當日大約晚上8點多，人流亦唔多，今次去食亦係限時個半小時由於平日，所以價錢亦下降至每位 $98起 (視乎食咩牛肉同湯底)入到去湯底等左10分鐘先黎，於是就即刻攞配料諗住食住先，黎湯底時已經叫了一碟牛肉同豬肉配料變到一d都唔新鮮，特別係魷魚熟左都勁腥...d 茹有陣「宿」味之前叫既牛肉同豬肉吹左4次先黎 (差唔多過左半個鐘)...食完碟豬肉我地都預叫多2碟牛肉先再出去攞第二轉配料...當晚大大話話都有成7，8個staff，但d staff 永遠都唔知去左邊到，成個場都無staff係到.....個個都舉手叫野都無人理...... 個2碟牛肉又吹左4次先黎 (又半個鐘)，中途個鍋已經煲到一半已經叫加水，但無人理。叫佢加水又叫左3次先黎，搞到個底燒焦左...茶一早飲哂叫佢加茶又叫左3次... 成晚加得一次咁