影片
更多
2018-03-18
293 浏览
從來都唔寫食評，今次非寫不可。。。。。。。。繁忙時間要搭枱也不是問題，侍應開茶後冇開卡，個點心阿姐還要問：點解你冇卡呀？我話侍應唔開卡咪冇卡囉! 佢仲唔多滿意話：頭先仲有卡㗎! 隨即想攞搭枱2位靚姐張卡嚟給印，俾阿靚姐一手㩒住張卡話：呢張枱係2枱客，佢地未有卡㗎，你叫侍應開卡啦，點心阿姐好唔耐煩咁走咗去。還有，等咗大半個鐘仲有一個點心未嚟，同個侍應講，個侍應竟然話：你等吓啦! 跟住喺度漫步（冇嘢做咁款），足足等咗超過一個鐘仲未嚟，最終埋單走人。未見過咁差嘅酒樓，又唔係好食過人，服務態度又差，貼錢都唔會再嚟，呻完!
张贴