木金餃子製作所 (已結業)

最近觀塘新開餃子店，終於有機會去試，餐廳以木系餐桌為主，環境唔大，坐落比較逼夾，假日去到唔洗等位，反而樓下等lift上去仲耐，餃子方面幾足料大大粒，包得幾靚，食落口感紮實~8隻🥟都夠飽，特別欣賞啲湯同埋餃子係分開，唔會浸到啲餃子淋晒。但部份店員服務態度認真麻麻，見到店員以命令方式叫其他客人入座，叫左飲品又就甘掉落黎😅令人感覺好差。1️⃣經典口味 $68 兩款🥟各四隻揀左豚骨湯配特色甜豉油，豚骨湯飲落清清地唔會好咸，味道同餃子好夾，推薦。🥟韭菜蔥頭豚肉餃依款韭菜豚肉餃包得幾飽滿，食落皮薄好足料，可惜有其中一隻🥟皮爛咗，另配甜豉油多一款食法，又帶出🥟既鮮味，唔錯。🥟臭臭香荽豚肉餃依款香荽豚肉餃食落芫荽味好重，菜肉比例幾平均，推薦。2️⃣特色口味 $78 兩款🥟各四隻配是日濃湯～紅菜頭蕃茄忌廉湯，忌廉湯飲落較重蕃茄味酸酸地都幾開胃，但係紅菜頭味道就唔算好濃，湯底較稠身飲落有啲起沙feel加埋🥟食到最後有啲飽滯。🥟韓式泡菜豚肉餃依款韓式泡菜餃食落有少少泡菜味，泡菜已攪碎混合🐷食落無乜口感，覺得依款口味係四款🥟最麻麻。🥟香辣榨菜豚肉餃依款香辣榨茶豚肉餃食落微辣比較淋身，但又唔算好香榨菜味🐷味較多。3️⃣日式