影片
更多
2016-12-07
531 浏览
昨天中午同太太及女兒一起去食飯，今次已經係第三次去第一次去時覺得食物還可以，服務態度就....第二次都太太同朋友去，同樣都係去食下野，吹下水，食物質素真係算可以，但服務態度都係....唉!今次第三次去，那兩位年輕服務員態度真係極級惡劣，內容係咁:我同太太11:55分去到，佢地剛開閘，我同太太入去睇下個餐牌，跟手個後生仔叫我地行開(係行開)，唔該借借都無，原因係佢要放個大餐牌出去，咁都算啦!人家做野都唔緊要，讓下佢，跟手太太入左去坐低，我就行去買午餐，當時我係抱住我個囡行過去，正當我想落單時，另一個後生仔同我講，我地12:00先開，你坐下先啦!我聽到就問佢一句，咁我落單先可以嗎?佢叫我坐低12:00先過來，我望一望隻錶，11:56分，我心諗，咩料呀!四分鐘都要我等....你間餐廳一係唔好開閘比人入去啦!收人百幾元一個包，無服務還要睇你面色，唔係吵嘛!我都忍一忍佢，跟手有個姐姐級別既即時答，可以架啦，唔緊要，落單先，我同佢講，我唔係抱住個女真係無所謂，你見到我咁既狀態都叫我返位等，呢位後生仔真係好後生。其實我當時真係想走，埋單二百五十元左右，要去買飛又要睇兩位年輕大哥面色，真係幾激氣，咁老
第一次去時覺得食物還可以，服務態度就....
第二次都太太同朋友去，同樣都係去食下野，吹下水，食物質素真係算可以，但服務態度都係....唉!
今次第三次去，那兩位年輕服務員態度真係極級惡劣，內容係咁:
我同太太11:55分去到，佢地剛開閘，我同太太入去睇下個餐牌，跟手個後生仔叫我地行開(係行開)，唔該借借都無，原因係佢要放個大餐牌出去，咁都算啦!人家做野都唔緊要，讓下佢，跟手太太入左去坐低，我就行去買午餐，當時我係抱住我個囡行過去，正當我想落單時，另一個後生仔同我講，我地12:00先開，你坐下先啦!我聽到就問佢一句，咁我落單先可以嗎?佢叫我坐低12:00先過來，我望一望隻錶，11:56分，我心諗，咩料呀!四分鐘都要我等....你間餐廳一係唔好開閘比人入去啦!收人百幾元一個包，無服務還要睇你面色，唔係吵嘛!我都忍一忍佢，跟手有個姐姐級別既即時答，可以架啦，唔緊要，落單先，我同佢講，我唔係抱住個女真係無所謂，你見到我咁既狀態都叫我返位等，呢位後生仔真係好後生。
其實我當時真係想走，埋單二百五十元左右，要去買飛又要睇兩位年輕大哥面色，真係幾激氣，咁老婆坐低左就算啦!一心諗住:男人老狗食完就走，食得七七八八時，我行過去問佢地要杯水，佢叫我自己令杯自己斟水，我覺得真係幾攪野，佢叫我令杯我覺得可以的，因為都無咩所謂，但要斟水就真係比佢激死，因為水在那裡佢都唔同我講，點斟呀，佢真係覺得我一定知邊度斟，還是佢覺得我係佢同事呢? 真係唉.............
我唔知大家點睇，不過都係一句，如果係M記或K記，唔同價錢好合情合理，如果去到T記，你落完單跟手有個姐姐送餐過來我覺得都好夠，始終快餐店，但呢間餐廳價錢接近酒店，要去排隊落單，還要睇人面色，咁既餐廳我真係唔會去第四次，大家就自己決定啦!
张贴