影片
更多
2017-02-15
541 浏览
服务态度恶劣 无下次！平时只会睇食评，今次第一次写，呢间餐厅好应该写下。 上星期六难得同朋友铜锣湾食饭，6点几去到餐厅，全场未有客人，待应一副唔想做的样，安排我地坐路口位，厨房抽气扇系正头上，好大阵味。朋友问可唔可以转位，待应指住其他枱一句「最低消费$1000蚊㖞」。我地已经O左嘴，以餐牌上的价钱，两个人好难食到过千。唔紧要，食饭要开开心心。后来见有一家三口坐系个张要「最低消费$1000蚊」的枱，叫了4道菜，点计成张单都最多500，待应唔记得自己讲左啲咩？我地两个女仔点了一份卷物、几件寿司、山葵黑豚软骨和蟹膏蟹肉饭。咁岩当日元宵，朋友亲手整了几粒曲奇饼俾我，曲奇好细块，等上菜既时间我地拎住个盒自拍。一位著西装貌似经理的人态度极其恶劣，冲过嚟我地枱闹我地唔可以自携食物入餐厅，我地两个都呆左。我朋友即刻收返埋，细细声话曲奇自己整，之后个经理黑哂面咁行开，再好大声同另外几位待应讲「人地话啲饼自己整架」，佢大声的程度系全餐厅都会听到...其实区区一粒曲奇，唔需要小题大做吧？服务态度咁恶劣，拎住自拍都唔得？又无食，都落左2人份量的菜，唔系为左一粒得拇指咁大的曲奇闹客人挂？如果唔可以拎出黎，可以正
平时只会睇食评，今次第一次写，呢间餐厅好应该写下。
上星期六难得同朋友铜锣湾食饭，6点几去到餐厅，全场未有客人，待应一副唔想做的样，安排我地坐路口位，厨房抽气扇系正头上，好大阵味。朋友问可唔可以转位，待应指住其他枱一句「最低消费$1000蚊㖞」。我地已经O左嘴，以餐牌上的价钱，两个人好难食到过千。唔紧要，食饭要开开心心。后来见有一家三口坐系个张要「最低消费$1000蚊」的枱，叫了4道菜，点计成张单都最多500，待应唔记得自己讲左啲咩？
我地两个女仔点了一份卷物、几件寿司、山葵黑豚软骨和蟹膏蟹肉饭。咁岩当日元宵，朋友亲手整了几粒曲奇饼俾我，曲奇好细块，等上菜既时间我地拎住个盒自拍。一位著西装貌似经理的人态度极其恶劣，冲过嚟我地枱闹我地唔可以自携食物入餐厅，我地两个都呆左。我朋友即刻收返埋，细细声话曲奇自己整，之后个经理黑哂面咁行开，再好大声同另外几位待应讲「人地话啲饼自己整架」，佢大声的程度系全餐厅都会听到...其实区区一粒曲奇，唔需要小题大做吧？服务态度咁恶劣，拎住自拍都唔得？又无食，都落左2人份量的菜，唔系为左一粒得拇指咁大的曲奇闹客人挂？如果唔可以拎出黎，可以正常态度同我地讲，而唔系背后大大声同同事讲，实际系当住其他人寸客人。而该位著西装的男经理亦都全晚挂住同其他待应大声倾计讲笑，又痴住个女待应背ABC，有客人落单点菜、执枱，全程hea爆，咁都得？
除了服务差之外，食物质素更加不愿置评，卷物整得又扁又松，啲饭好硬，蟹膏蟹肉饭无蟹肉，炒到劲干，真系唔知点食...餐厅的抽油烟做得劲差，成身都系味，我地两个食完即走。想开开心心元宵食餐饭，野唔好食，态度又恶劣，咁受气，全线都blacklist得架啦！
张贴
