必勝客 (已搬遷) 新店位置

住得近近地，平時都會同屋企人一齊過嚟食飯，呢排換個好多新人，點知會服務態度咁差，個個都黑口黑面，串到爆燈，大把位唔安排人入座，4人嚟得2套碟，落單又唔覆單，目無表情，成檯空碟又無人收碟，簡直唔想人幫襯咁。食物質素亦差咗，雞翼細隻到呢～，而且新年已經加咗價，價錢加咗但質素下降晒，俾咁多錢賣廣告無非都想多d人嚟幫襯啫，諗住想試吓新批嘅就千祈唔好嚟呢一間喇，如果間間pizza hut都好似呢間咁，睇嚟都好難再吸客喇。