安利魚蛋粉麵

营业中

休息中

已经好耐冇帮衬，今日如果唔系身上冇现金，（对面𠮶间食类似嘅嘢，只收现金）但系又想食切腩河，所以先至行入安利嗌外卖。门口落单个阿姐串串共，讲嘢冇尾音，我知你唔忧做，大把生意，但系你开得门做生意，人哋俾得钱，你就系要提供一定嘅服务㗎啦，你唔想做大可以执咗佢，冇人逼你开！买个外卖有几耐时间，有几多句对话？咁都可以令到个客觉得成个体验系贴钱买难受，你可想而知佢嘅态度系几差！ 我行入少少睇吓我啲外卖有得攞未啫，你都唔使喝停我啩？讲真，啲食物嘅质素真系好一般，经过今次之后，我已经决定咗以后都唔会再去。我唔明点解门口每一次都大排长龙，或者𠮶啲系区外客未试过，但系你去之前希望你睇到我呢一篇嘢，然之后亲身感受一下，睇吓你觉得佢哋啲态度系点，睇吓系咪真系仲值得比咁高嘅评价。