点心代表 (已結業)

不嬲係小新fans，見到岩岩有小新做主題既餐廳緊係即刻訂位。以為好多人，其實好多吉檯。第一味嚟左杯「小新桃味特飲」，杯飲品賣點係個pat pat浮面，可以連埋小新個牌一齊影相，但嚟到杯野無咗1/5，個pat pat 沉咗係底，搞左好耐先撩返上嚟，而且入邊唔夠水，pat pat 根本浮唔到係面，影唔到相。跟住嚟嗰碟腸粉又有問題，小生個樣爛晒，同侍應講想換過碟就發脾氣叫我由佢，專登嚟呢度食就係想影小新，最後講咗一輪先肯同我換，但態度完全零分。而且仲有烏蠅飛嚟飛去，撥左幾次已經無胃口食其實嘢食嘅味道係ok嘅，可惜態度差，又有烏蠅，完全影響食慾。