影片
更多
2019-05-05
1048 浏览
訂左晚上7點，叫菜色時，女侍應不斷介紹貴價菜色，我地決定要d平民菜式，果位女侍應對菜式價錢不清晰，旁邊有個好似“高級”d既女侍應來回幾次提醒價錢，有d混亂囉！同時間，女侍應仲係不斷介紹貴價菜式，聽唔到我叫左d咩菜式，最後我忍唔住叫佢唔好係咁sell野，佢仲鬥嘴話:呀姐，我介紹菜式比你之嘛，你唔要咪算囉，我唔係sell野。之後走左去。落左單都無覆單，隔左陣又走返黎覆單。未食先開火，前菜好特別囉！食緊中途，突然發現天花有d野跌落黎，抬頭一望，天花霉霉黑黑，有水滴落黎，我地通知其中一個男侍應，佢幫我地轉枱（實情係晚市7，8點時段都唔爆場，有吉枱），咁我地一家人一齊幫手拎杯碗，最後完成轉枱。有d侍應只會企係某張“貴客”的枱，先稍微有d笑容表情，上菜的姐姐每次上菜都笑晒口，好話連連，其他人都木口木臉，真係好大對比！後來我地加多左一個菜，問返該位男侍應落左單未，該位男侍應竟然無答我地就走左去。哈哈，食到尾段，我地都深深睇化左呢間酒樓既經營文化啦，一笑置之！最後埋單，發現菜式的價錢不符，此時果位好似“高級”d既女侍應又再出現，話唔知我地有無訂過菜式，否則要收此正價，我亦都再次表明我地無訂餐，但亦都唔
同時間，女侍應仲係不斷介紹貴價菜式，聽唔到我叫左d咩菜式，最後我忍唔住叫佢唔好係咁sell野，佢仲鬥嘴話:呀姐，我介紹菜式比你之嘛，你唔要咪算囉，我唔係sell野。之後走左去。落左單都無覆單，隔左陣又走返黎覆單。未食先開火，前菜好特別囉！
食緊中途，突然發現天花有d野跌落黎，抬頭一望，天花霉霉黑黑，有水滴落黎，我地通知其中一個男侍應，佢幫我地轉枱（實情係晚市7，8點時段都唔爆場，有吉枱），咁我地一家人一齊幫手拎杯碗，最後完成轉枱。
有d侍應只會企係某張“貴客”的枱，先稍微有d笑容表情，上菜的姐姐每次上菜都笑晒口，好話連連，其他人都木口木臉，真係好大對比！
後來我地加多左一個菜，問返該位男侍應落左單未，該位男侍應竟然無答我地就走左去。哈哈，食到尾段，我地都深深睇化左呢間酒樓既經營文化啦，一笑置之！
最後埋單，發現菜式的價錢不符，此時果位好似“高級”d既女侍應又再出現，話唔知我地有無訂過菜式，否則要收此正價，我亦都再次表明我地無訂餐，但亦都唔應該係呢個正價，該位好似“高級”d既女侍應繼續話，唔知我地有無訂餐，唔知邊個落單，完全唔係想解決問題，係度推卸問題。後來我的其中一位家人大聲叫佢地自己搞掂，佢先好唔情願咁去改單。
總言之，貼錢買難受，唔會有下次！即使廚房做得幾好都會比呢班騎呢怪趕走晒d客！除非你係食貴價菜，可能會招呼好小小！若果唔係9樓太湖爆場，真係唔會揀呢間野。
各位真係要三思。
菜式味道可以，份量偏小
张贴
