影片
更多
2012-10-13
436 浏览
今日好猛太陽呀!!! 我要同陽光玩遊戲!!! 考慮咗一陣, 另一半話不如o黎個「鯉景灣巡禮」, 重新食過晒所有鯉景灣嘅餐廳... 嘩!!! 咁大Project呀?!!「鯉景灣巡禮」第一站 -- Jack's Terrazza Ristorante!!!進入餐廳後, 通過一條小通道, 通道的尾部放置咗2部電玩, 相信係為晚上o黎飲酒嘅客人提供消遣...餐廳近落地玻璃窗的一排卡位, 張梳化係凌空吊起o架!!! 好似坐係掛係樹上嘅鞦韆上面進食咁呀!!! 紅白枱仔餐枱布, 好童話式呀!!!靠牆位置以藍白色為主, 好地中海Feel呀~Jack's Terrazza Ristorante旁邊係海濱長廊, 被翠綠的樹木包圍...餐廳內有2位年青女服務員, 再加1位相對年長嘅男服務員...男服務員神情表演出好不肖, 唔想做咁, 餐牌唔係放係枱面比我地, 係飛埋o黎張枱度!!! 肉刀係掉係枱上, 唔係放!!! 餐牌上面有3個是日精選餐(湯+沙律, 薄餅, 意粉), 冇寫係咩, 咁都唔知係咩緊係要問o架啦, 個男服務員態度敷衍, 唔想答咁, 答完都聽唔清楚佢答咩... 未食都已經一肚氣!!! 比美陸羽茶室
「鯉景灣巡禮」第一站 -- Jack's Terrazza Ristorante!!!
進入餐廳後, 通過一條小通道, 通道的尾部放置咗2部電玩, 相信係為晚上o黎飲酒嘅客人提供消遣...
餐廳近落地玻璃窗的一排卡位, 張梳化係凌空吊起o架!!! 好似坐係掛係樹上嘅鞦韆上面進食咁呀!!! 紅白枱仔餐枱布, 好童話式呀!!!
靠牆位置以藍白色為主, 好地中海Feel呀~
Jack's Terrazza Ristorante旁邊係海濱長廊, 被翠綠的樹木包圍...餐廳內有2位年青女服務員, 再加1位相對年長嘅男服務員...
男服務員神情表演出好不肖, 唔想做咁, 餐牌唔係放係枱面比我地, 係飛埋o黎張枱度!!! 肉刀係掉係枱上, 唔係放!!! 餐牌上面有3個是日精選餐(湯+沙律, 薄餅, 意粉), 冇寫係咩, 咁都唔知係咩緊係要問o架啦, 個男服務員態度敷衍, 唔想答咁, 答完都聽唔清楚佢答咩... 未食都已經一肚氣!!! 比美陸羽茶室同泉章居班性格大叔... 喂, 我唔係o黎受你氣o架!!!
餐包 -- 樣子討好, 味道不俗...午餐頭盤可以揀 : 是日精選餐湯 or 田園什菜沙律 or 意式田螺茄汁香草蒜蓉汁...
是日精選餐湯 -- 都聽唔到佢講咩, 已經冇晒印象, 只記得好稀薄...
意式田螺茄汁香草蒜蓉汁 -- 好難食!!! 第一次食到咁難食嘅田螺!!! d汁同田螺完全融合唔到!!! 田螺肉又硬又實...
燴紐西蘭羊膝 ($95) -- 羊膝份量十足, 肉質軟腍, 伴碟有薯蓉及蔬菜, 燒汁味道不錯...
大蝦咖喱 ($85) -- d蝦... 如果冇咗激辛咖哩汁蘸o黎食, 真係食唔落, 好腥... 大量蔬菜, 配埋咖哩汁, 開胃又健康...
是日精選甜品 -- 全餐唯一好味!!! 香濃軟滑嘅朱古力慕斯, 包著軟棉棉嘅棉花糖, 面層灑上朱古力粉, 以朱古力醬點綴, 絕對係有Heart之作!!!午餐仲包埋咖啡或茶...
餐廳內冷氣唔知係咪有問題, 開住把牛角扇, 吹向凌空梳化果邊... 我食到標晒汗... 後尾坐我後面嘅BB喪喊, 懷孕7個月嘅女服務員上前慰問, 父母表示可能因為太熱, 個牛角扇先轉吹我地呢邊... 嘩... 即刻舒服晒... 好o野, BB, 你做得好好!!! 唔該晒!!!
席間享受到日光浴, 離開時居然落起傾盆大雨, 果真天有不測之風雲!!! 無奈下乘的士回家, 下車時又再出太陽, 天呀!!!
.
张贴
