稻香超級漁港 (已結業)

今日，同舊同事去浸禮，浸禮之前梗係食啲嘢醫下個肚啦。。。一班人一齊唔使諗，一定飲茶啦。不過呢間餐廳去一次就夠了。我地之前打電話book左檯，入到去侍應姐姐無幫我地排好啲餐具，都幾失望啦。叫拎壺水，都等左五分鐘。仲搵左兩侍應先俾到。我地叫左個蝦燴伊麵、灼菜、叉燒腸、蛋白炒飯、炸兩。老實講，餐飯麻麻地。灼菜食落去，無咩豉油味，菜的莖位都算爽口。葉位都幾淋。但無咩菜味。份量都唔算少。海蝦燴伊麵食落去上湯味去濃，伊麵都幾淋；如果講份量，都唔少。講蝦，蝦夠淋但無咩蝦味。紅蔥切都得幾大塊。係爽口無咩洋蔥味。總結，我希望間茶樓唔好重量而不重量。對一個客人嚟兩者都好重要。另外服務態度都好重要，希望酒樓會改善啦