SAKImoto bakery 嵜本 高級Shokupan專門店 (時代廣場) (已結業)

無可否認呢一間野睇落好似幾乾淨，但係服務員的質素可以話係極差，琴日本身食早餐，首先個餐牌講到唔清唔楚，問完之後諗住叫個單點，點知上到嚟完全唔係牌上面嗰幅圖，有沙律同湯， 再問返個所謂經理或店舖主管，仲要話返我轉頭，因為我係單點，咁 問你嘅時候你要解釋清楚，客人先會明白嘛！之後買單，個收銀仲好笑，講好咗話要分兩張單，夠膽死就咁打單打返一張，然後聲大大話因為佢冇聽到，所以唔會再改，請問佢嘅耳仔係咪 純粹要來裝飾？ ！點解明明自己做錯野，反而永遠都唔會覺得自己錯？兩個人食早餐合共$141 ，講緊嘅只係叫咗一碟意粉同埋一杯咖啡，我覺得食物嘅質素還可以，但係職員嘅態度實在令人卻步。如果大家真係咁鍾意食包的話，可以外賣，建議唔好同入邊嘅職員又多講嘅機會，只係曬自己時間。