麻辣派對 (瑞生酒店) (已結業)

提前book咗枱，樓下有個姐姐探完熱之後，佢通知樓上有book位客到，我哋即刻搭lift上去。成個場兩女一男三個waiter，我哋企足喺門口差不多10分鐘，完全冇人打算招呼我哋。有一家三口遲過我哋嚟，都早過我哋有位。後來樓下個姐姐上嚟，我忍唔住問佢，幾時先肯招呼我哋入座，佢拿拿聲搵位叫我哋坐低。跟住想落單，等咗10分鐘左右冇人行埋嚟，唯有直接拎住張menu行鬼咁遠去搵侍應。好聲好氣同佢講「唔該落單呀」，一句dut埋嚟「你返埋位先」，我一臉茫然，佢再話「你返埋位，我跟住你」，全程冇打算幫我拎住張menu。平時我出親去食嘢，一定會唔該啲侍應，因為服務行業真係好辛苦。但今次落完單我係冇講「唔該」，要做一次西客，因為費事講完作嘔，食餐飯食到背脊骨落。如果你哋人手咁不足的話，麻煩學下其他餐廳叫啲客scan QR code落單，唔好派個西口西面嘅女人嚟畀面色食客睇。嘢食叫做勉勉強強過得去，但環境同服務絕對唔值呢個價，加一服務費我當丟落鹹水海。之前食銅鑼灣嗰間分店，兩個人明明一早book咗枱，限聚令之下居然要我哋同另外兩個陌生人搭枱。第一次上Openrice寫食評要做潑婦罵街，因為真係嬲到噴火。除咗