海岸餐廳燒烤樂園 (已結業)

因為住喺附近,所以經常到黃金海岸嘅食肆食飯.而呢間餐廳前前後後幫襯過兩三次.BBQ就係第一次試.佢哋都算多嘢食.二三十款燒烤食物,仲有就係幾款專供打邊爐嘅海鮮,雖然係平價貨.但都算係新鮮生猛.我個女就鍾意用錫紙嚟焗海鮮,加埋蒜茸一齊焗.真係香噴噴!!佢哋嘅工作員工唔係好多.但人客想要咩嘢都好,佢哋都好快咁攞埋嚟.嗰日落住雨嚟燒,睇見啲員工全身濕晒.但都樣樣跟足.好!好!好!(但係如果佢哋啲粗口可以細聲啲仲好!!)$88(全包)任食任飲.抵!